NguChris Totobela
Emva kokungadlali ngoMgqibelo ngenxa yetumente yezikolo, iphinde yabuya ngeCawe imidlalo yeMakana LFA yesigaba sokuqala.
IJacaranda Academy itsalele amanqaku iCameroon engakwazanga ukungena ebaleni, logama yona iJoza Stars ibethe iSantos ngamanqaku amabini kwelinye, yaze yona iBlack Stars ethande ungahleki nanye ehlekisayo kwezintsuku, ibhaxabule iLeicester City ngamanqaku amathathu eqandeni.
IVukani Anchors ibambene ngamanqaku amathathu macala neRising Stars yaze yona iTantyi Eleven yabetha iMayfield ngamanqaku amathathu eqandeni.
IRising Stars isathe ngcu encochoyini yamanqwanqwa esigaba sokuqala emva kwemidlalo emithandathu iphumelele emihlanu, yabethwa komnye yaphinda yadlala ntanganye kumdlalo omnye. IJoza Stars ebambene ngamanqaku alishumi elinesithathu neRising Stars isilela ngemva ngamanqaku ewafakileyo.
