NguChris Totobela
Kuya kuhluzwa amakhwenkwe emadodeni kwisigaba soompondo zihlanjiwe kwiMakana LFA. NgoMgqibelo abatshakazi iHellenic ibhaxabule iSeven Stars ngamanqaku amahlanu eqandeni (5-0), logama oomakadenetha iAttackers ibethe iMaru Academy ngamanqaku amathandathu eqandeni (6-0) yaze yona iYoung Stars yabetha i6Sai ngamanqaku amabini kwelinye (2-1). NgeCawe iAttackers ibethe i6Sai ngenqaku elinye eqandeni (1-0) logama iMakana Tigers ibhungce ngamanqaku amabini kwelinye (2-1) ngethuba iqubisene ne Lalibela Lions yaze yona iLove and Peace ne Golden Brothers zabambana ngamanqaku amabini macala (2-2). Komnye umdlalo obujongwe ngamehlo abomvu iJoza Callies ibethe iSophia Stars ngamanqaku amane kwamathathu (4-3) kumdlalo obuvutha ngeyona ndlela yaze iRhodes yabhaxabula iJuventus ngamanqaku amahlanu eqandeni (5-0).
