NguChris Totobela
Iqhube yonke imidlalo yeMakana LFA ebi cwangciselwe le mpelaveki esisuka kuyo. I6Sai Army ibhaxabule iGolden Eagles ngamanqaku amahlanu eqandeni logama iSophia Stars ejonge le ndebe ngamehlo abomvu ibethe iMakana Tigers ngamathathu kwelinye ngoMgqibelo.
NgeCawe iRhodes ibhungce ngamanqaku amabini kwelinye ngethuba iqhubisene ne Golden Brothers, yaze yona iLalibela Lions yabetha iJuventus ngamanqaku amahlanu kwamabini logama iLove and Peace ne Joza Callies zibambene ngenqaku elinye macala. Kuthande ukuba nzinyana ku Mataliyane kwesi sigaba soompondo zihlanjiwe. Kwimidlalo yengingqi exhaswa ngabakwa Hollywood Bets iJacaranda Aces ibethelwe ekhaya yiJunior Sundowns ngamanqaku amabini kwelinye logama iMaru ibuye nodumo eQhorha emva kokubetha iFriendly City ngamanqaku amabini kwelinye yaze yona iYoung Eagles yabetha iCity Pirates kwidabi lasekhaya eMakhanda ngamanqaku amabini kwelinye.
