NguChris Totobela
Kuzobe kugoso okwaphukayo kule mpelaveki izayo nalapho amaqela amakhwenkwana aselula azobe eqhubisene.
Onke amaqela angaphantsi kweminyaka elishumi elinanye, ishumi elinesithathu neminyaka elishumi elinesihlanu azobe evana amandla kwitumente ezobe ibanjelwe kumabala aseSt Andrew’s College.
ISt Andrew’s College esingatha neququzelela lo mnyadala izobe ithatha inxaxheba nayo kule midlalo. Iqela la magqiyazana lalapha eMakhanda iAfrican Connection lizobe lithatha inxaxheba nalo kulo mnyadala njenge ndwendwe.
Amakonokono azosebenzisa le midlalo ukulungiselela imidlalo yamaqela amagqiyazana eSarah Baartman ezokubanjwa ebutsheni kunyaka olandelayo.
Kuzobe kuxhelwe exhukwane kubantu abathanda ibhola yabo baselula kwaye naba qeqeshi ba lamaqela bazokufumana ithuba lokuhlengahlengisa amaqela abo ukuze alungele imidlalo yabo yeMakana LFA.
