NguChris Totobela
Bekuqhawuka unobathana kule mpelaveki sisuka kuyo kwibala iFiddlers Green. Amaqela adlala kwi sigaba sodidi oluphezulu kwi-Makana LFA ebebhinqele phezulu evana amandla.
IGolden Eagles ibethe iLove and Peace kwidabi loomakhelwane ngamanqaku amathathu kwamabini logama yona iYoung Eagles ibhaxabule iBlack Stars ngamanqaku amahlanu eqandeni kumdlalo obukekelele calanye. Ngecawe iEagles ibethe iGolden Eagles ngamanqaku amahlanu kwamabini logama Oomakade ebona iAttackers itywatyushe abatshakazi iMaru Academy ngamanqaku asixhenxe eqandeni. Kwi dabi lase-Extension 7, iSophia Stars ibhungce ngamanqaku amabini kwelinye kumdlalo obunzima kakhulu. I-6Sai Army ibethe iJoza Callies ngamanqaku amathathu kwamabini. Kuya kuhluzwa amakhwenkwe emadodeni ngoku kwaye kukhangeleka etsala nzima amaqela angakhange azilungiselele kakuhle.
