NguCHRIS TOTOBELA
Bekuxhelw’ exhukwane kubathandi naba landeli bebhola baseMakhanda nanjengoko kubuyelwe ebaleni kwimpelaveki ephelileyo.
Amaqela eMakana LFA adlala kwisigaba sesibini abhinqele phezulu abuyela ebaleni emva kwesithuba esiphantse sayinyanga engasadlali ebaleni emva koku ngaboni ngasonye namagosa alawulayo.
Ngomgqibelo iMaru Academy iquthise iYoung Ones ngamanqaku amathathu kwelinye. iAfrican Spears yohlwaye iYoung Stars ngamabini eqandeni logama yona ekhokelayo iGolden Eagles ibhaxabule iLeister City ngamanqaku amane kwelinye. IVukani anchors itywatyushe iRising Stars ngamanqaku amathandathu kwelinye.
Ngecawa iYoung stars iye yaziphindisela ngethuba iswantsulisa iJacaranda Academy ngamane kwelinye. Biyi mpelaveki entle kwi African Spears nanjengoko iye yabhungca ngenqaku elinye eqandeni ngethuba ihlangene noomakadenetha iSantos.
