This is the song for 2021. It connects with what happened in 2020, but ends up on the positive note of level one, honouring health workers and respecting our country’s president. Abasishiyayo sohlala sibakhumbula ngenene.
Ntyiloooooo! Ndiya ntyiloza!
Njenge ntaka yasendle ephila ngomabona ndenzile
Kuba ezase makhaya zoyisakele
Ntshontsho lomdlambila liyatswina
Neebhokhwe ziyazibuza
Akusekho nemibeko kusinina
Kuba iidonki zitya iinkcenkce
Kuuuuubi kudlakadlaka kudlumbudlumbu!
Emaxhantini bekunga sayiwa
Amagqirha neemboni bebhekabheka
Kuba iminyaka ise kude ukuba bafumane inkamnkam
Kodwa bexhomekeke kiimvula tasi neminikelo
Kalok’amanynge afun’usondelelwano nca bhostiki
Nomoya kathixo ufun’ufuthelwano sigudlane
Kungenjalo mhlol’awufumaneki ncakasana
Koko nguvobe kancinciza nomcof’otefayo
Kuqale ke umbhodamo angaphakathi
Sikuvile nawe mongameli woMzantsi Afrika
Ukuthetha kwakho sakuvava ngaphakathi
Kaloku thina sibek’iindlebe koko ukutshiloyo
Ze thina zimbongi sibonge ukuze sidle
Sicengacenge amakhosi namaphakathi kuphil’umzi
Agcolod’amadoda kuvuye nosebeleni
Akusibuza kusasa asisazi kwanto
Siyavuma ngazwi nye uyinkokheli
Wen’ongazi iikoyi azivalwanga
Amaxesha asame ngokwala ndlela ebeyiyo
Abezempilo basebenzile noko nje bengazanga namali
Amakhwenkw’amakhulu namantokaz’azinikeleyo
Bebengabuthi nkwe ubuthongo
Ntwezi fanelwe yimisindleko nezithsaba
Kuzilekese ukuba khona kwenu
Ngaphandle kwenu ngesafel’endleleni
Makwande kube luxolo kwiingxonde zenu zonke.
