NguCHRIS TOTOBELA
Iqela leSophia Stars labadlali abangaphantsi kweminyaka elishumi elinesixhenxe, limaxhaphetshu lilungiselela ukuya eBhayi, nalapho liyakumela lengingqi kukhuphiswano labakwa Engen.
Aye athelekiswa amaqela aphuma kwiindawo ngeendawo azakungquzulana kolukhuphiswano.
Lamaqela alishumi elinesithandathu xa ewonke, kwaye ohlulwe angamacandelo amane. ISophia Stars yalapha eMakhanda izobe ijongene nqo neMotherwell Academy, iRising Stars FC neFairview Rovers kwimidlalo yokuqala nalapho amaqela amabini aphezulu ayakudlulela kwisigaba esilandelayo.
Lemidlalo ihlehliselwe umhla wamashumi amabini anesibhozo kule imiyo.
Umphathi weSophia Stars uLindisipho “Teko” Swaartbooi uthe “ukuhlehliswa kwalemidlalo kusinika ithuba elithe chatha lokuzilungiselela kwaye nangona kuzoba nzima nje pha, kodwa ke ndiwathembile amakhwenkwe ethu”.
