NguChris Totobela
Zidla zigoduka kwisigaba soompondo zihlanjiwe kwiMakana LFA. IGolden Eagles ibhaxabule iNewseekers, ethande ukuba yingqongqo mva nje, ngamanqaku amahlanu kwelinye. Ngelixa iLalibela Lions engenalusini mva nje itywatyushe iYoung Stars ngamanqaku amahlanu eqandeni.
iYoung Eagles yona, ibethe iLove and Peace, inyuka umnqantsa, ngamanqaku amathathu kwelinye. I Sophia Stars ibingathi idiliza ityotyombe ngethuba ibetha iGolden Brothers ngamanqaku alithoba kwelinye logama iMaru Academy ibhaxabule iEagles ngamane kwelinye.
Kwisigaba sokuqala seMakana LFA ngoMgqibelo iRhodes ibethe iSeven Stars ngenqaku elinye eqandeni logama iJuventus neLeicester City zibambene ngenqaku elinye macala.
IHellenic ne Sakhulutsha zibambene ngamanqaku amabini macala. NgeCawa, iRising Stars ibethe iOne Love ngamanqaku amathathu kwamabini logama iVukani Anchors ibethe iJacaranda Academy ngamanqaku amabini kwelinye.
IMakhanda Academy yona, izityele itheko ngelixa itywatyusha iLeicester City ngamanqaku amane eqandeni.
